Google+ Followers

Saturday, 9 August 2014

හිට්ලර් හා මිනිස් මනැස

පළවෙනි ලෝක යුධ සමයේ ජර්මානු යුධ පෙරමුණු අතර වෙඩි උණ්ඩ ප්‍රවාහනය කළ එක් සාමාන්‍ය සෙබලෙකු විය. රාජකාරිය අතර දිනක් ඔහු තුවාල ලැබූ හෙයින් හේ යුධ පෙරමුණෙන් ඈත් වූහ. ඔහු පසු කළෙක දේශපාලනයට පිවිසි අතර ක්‍රමයෙන් එම දේශපාලන පක්ෂයේ බලය අත්පත් කරගැනීමට සමත් විය.
මෙම පුද්ගලයා හිට්ලර් යන නමින් ලෝක ප්‍ර්සිද්ධ වූහ.

මෙහි ඉතිරිය නොදත් කෙනෙකු මේ සයිබර් අවකාශයේ කරක් නොගසනු ඇතැයි සිතමි.

ලංකාවේ ගිරුවාපත්තුවේද ඉහත ආකාරයේම සාමාන්‍ය පුද්ගලයෙකු විසූ අතර පසු කලෙක හේ ජයවර්ධනපුර පැත්තේ පිහිටි විශ්ව විද්‍යාලයක පුස්තකාල කාර්ය සාහකයෙකු වශයෙන් රාජකාරි ඇරඹීය.
ඔහුද පසු කලෙක දේශපාලනයට පිවිසෙන අතර " හරක් හමකුත් , ඌරු පිටකුත් , හිවල් හිසකුත් " පිහිටි නිසාවෙන් අද වන විට ලංකාවේ අංක එකේ පුරවැසියා බවට පත්ව සිටී.

මෙහිද ඉතිරිය නොදත් කෙනෙකු නැතැයි සිතා ඉදිරියට යමි.

ඉතින් අර පෙර කී හිට්ලර් රාජ්‍ය පාලනය කිරීමේදි න්‍යාය සකස් කිරීම සහයට තබාගෙන උන්නේ ගොබෙල්ස් නැමැති ගොබිලෙකි.

ගොබෙල්ස් න්‍යාය ගැන මෙහි අමුතුවෙන් ලිවිය යුතු නැත්තේ එය ඔබ හොඳින්ම දන්නා නිසාය.

නමුත් හිට්ලර් විසින් එයට එක් කළ කොටසක් මෙහි දක්වනුයේ හුදු ලිපියේ පැවැත්ම උදෙසාමය.

හිට්ලර්ට අනුව සාමාන්‍ය මිනිසුන් සියළුදෙනා තම එදිනෙදා ජීවිතයේදී බොරු කියති , වංචා කරති . නමුත් ඒ සියළු බොරු , වංචා ආදිය පොඩි පහේ ඒවාය.

එබැවින් ඔහුට අනුව පොඩි පොඩි බොරු , වංචා , දූෂණ ආදිය සාමාන්‍ය මිනිසාට සාමාන්‍ය දේවල්‍ය, හොඳට පුරුදුය. ඒ නිසා පොඩි බොරු ගැන ඔවුන් හොඳින් දනී. ඒවායින් ඔවුන්ව රැවටීමට නොහැක.

ඒ නිසා හිට්ලර් පැවසුවේ රාජ්‍ය පාලනයේදි කියන කරන හොර බොරු වංචා ආදිය මහා පරිමාණයේ ඒවා විය යුතු බවයි.
මහජනතාවට සිතා ගැනීමට බැරි තරම් පරිමාණයේ හොර බොරු වංචා සිදු කල විට ඔවුන් එවා ඇත්තටම හොර බොරු වංචා ලෙස නොසිතන බව හිට්ලර් ඇදහීය.ි

එම ඇදහුම සත්‍යයක් බව ඔහු ඔප්පුකොට පෙන් වූ බව ඉතිහාසය සාක්ෂි දරයි.

ඉතින් අර ගිරුවාපත්තුවෙන් බිහි වූ අංක එකේ පුරවැසියා නියමෙට හිට්ලර්ව study කොට දැන් හිට්ලර්ව follow කරමින් සිටී.

ඔහුට ගොබෙල්ස්ලා එකෙක් නොව රොත්තක්ම ඇත.

එපමනක් නොව ඔහුට එදා ජර්මනියේ සිටියාක් වැනිම ලොකු බොරු ඇත්තක් ලෙස ගෙඩි පිටින්ම  ගිලින මහජනතාවක්ද සිටී.

මිනිස් මනසේ හිට්ලර් ආක්‍රමණය කල එම කොටස 1942 වේවා 2014 වේවා කිසිදු වෙනසකට ලක් වී නොමැත. එනම්
මහා පරිමාණයේ හොර බොරු වංචා ගණනකට නොගන්නා මිනිස් මොළයේ " යම් කොටස " පරිණාමයට ලක් වී නොමැත.

එසේ නොවේ නම් අවම වශයෙන් .... 

# 2010 ජනාධිපතිවරණය වැඩි ජන්ද 18
    ලක්ෂ‍යකින් දිනීම

#  රාජ්‍ය සංවර්ධන ව්‍යාපෘති සඳහා ණය
     ලෙස ගෙන වියදම් කරන අති විශාල
      මුදල්

#   රුපියල් කෝටි 852 ක් තරම් වන
      ජනාධිපති  වියදම

යනාදියවත් ලාංකීය මහජනතාව අතර ප්‍රශ්න කිරීමට ලක්විය යුතුය.

නමුත් සාමාන්‍ය මිනිසා සිටින්නේ අර හිට්ලර් හඳුනාගත් මානසිකත්වයේය.

ඉතින් එයින් මිදෙන තෙක් එය නිවැරදිව යොදාගන්නා තෙමේ දැහැමෙන් සෙමින් රාජ්‍ය නොකරයිද ?           ි

Saturday, 2 August 2014

මිහිරි මතක සිත රැඳේ...

ඒ දවස්වල , ඒ කියන්නේ මීට අවුරුදු අටකට පෙර පේරාදෙණිය කැම්පස් එකේ අපේ දෙවන අධ්‍යයන වර්ෂය.

පේරා වල සිරිතක් තමයි ඔය දෙවන අවුරුද්දේදි නේවාසිකාගාර නොදෙන එක.
ඉතින් ළමයි වැඩි දෙනෙක් නැවතිලා උන්නේ කැම්පස් එක අවට බෝඩිම් වල.

ඒත් Dental එකේ අපි කීපදෙනෙක් කැම්පස් එකේ ප්‍රධාන කොටසින් තරමක් ඈතින් තිබුණු " සේනක බිබිලේ " නේවාසිකාගාරයේ හිස් කාමර කිහිපයක නැවතිලා උන්නා , හැබැයි නීත්‍යානුකූල නොවන විදියට , එහෙමත් නැත්නම් හොරට.

ඕක නේවාසිකාගාරය භාරව වුන් වෝර්ඩ්න්වරයත් දැනගෙන හිටියා , ඒත් මුකුත් කියන්න ආවේ නැහැ. අපේ කට්ටිය නම් කිව්වෙ "බුක්කා" ඉන්නකම් බය වෙන්න දෙයක් නෑ  ඌ වෝර්ඩ්න්කාරයව ගානට හෝදලා තියාගනී කියලා.

බුක්කා ඕන කෙනෙක්ව ෂේප් න්‍යායෙන් තියගන්න දක්ෂයා.දැන් මිනිහා Hongkong වල කැම්පස් එකක Phd එක කරනව. ( කොහොමද හේදිල්ලේ තරම )

ඒත් සමහර වෙලාවට වෝර්ඩ්න් අපිට red notice එවනව , ඒ දවසට කට්ටියම එක්කෝ faculty එකේ රෑ වෙනකම් කැරම් ගහලා මහා පාන්දර ආපහු hostal එකට රින්ගනවා , නැත්නම් ඉතින් ල්ඟ ් තියෙන bus halt එකේ පිහිට තමයි.

ඔය කාලේ පේරාදෙණිය පොලීසිය ගාව තිබුණා කෑම කඩයක්. ( සමහර විට තාමත් ඇති. ) ඕක පැය විසිහතරෙම විවෘත‍යි. අපි ඒකට නම දාලා තිවුනේ " කැරපොතු කඩේ " කියලා.

ඒක එහෙම උනේ ජයමාල් හින්දා. ඔය හාදයාගේ ලොකු ශරීර කූඩුව නිසාම card එක වැටුණේ සරදියල් කියලා. ඉතින් දවසක් අපි කට්ටිය ඔය කියපු කඩෙන් කෑම කකා ඉඳිද්දි සරදියල්ගේ පිඟානෙන් කැරපොත්තෙක් මතු උනා , ඔය හන්දා කඩේට අර කියපු නම වැටුනා.

කොහොමහරි දැන් කාලය ගෙවිලා exam සමය උදාවුනා. Study leave එක ඇතුලේ කට්ටියම ගජරාමෙට බොග දානවා. බොග stress එක මකාගන්න හිටපු ගමන් මෝටර් සයිකල් තිවුන උන් රෑ ජාමේ යනවා කැරපොතු කඩේට සිගරටුයි කෑම මොනවාහරියි අරගෙන එන්න .

ඔය කාලේ අපේ දෙතුන් දෙනෙකුට මෝටර් සයිකල් තිබුණා. ඒ අතරින් " රම්බා "ට තිවුන ට්‍රේල් බයික් එක සුවිශේෂී වුණා. කොටින්ම මිනිහා ඉඳලා හිටලා මාස හයකට විතර සැරයක් දික්වැල්ලේ ගෙදර යන ගමනත් ආවේ ගියේ ඔයෙ ට්‍රේල් බයික් එකෙන්මයි.

එහෙම යද්දි පාරේ යන වෙනත් වාහනයක් තරඟකරුවෙකු ලෙස හිතින් මවාගෙන race එකට බයිසිකල් පැදීම රම්බා පුරුද්දක් කරගෙන තිබුනා. ඒක කොතරම් දුරදිග ගියාද කියතොත් එක සැරයක් රම්බා තමන් හිතින් මවාගත් තරඟකරුව පරද්දන්න පේරාදෙණිය වන තම නැවතුම් ස්ථානය පහුකරගෙන ගම්පොළටම ගිහින් තිබුණා.

ඉතින් අර රෑ ජාමේ යන ගමන දවසක් ගියේ ඔය රම්බයි අපේ ගලිවරයයි. කැරපොතු කඩේට යන බෝවලවත්ත පාර එක තැනකින් දෙකට බෙදෙනවා දංගොල්ලට යන්න. ඔතනදි පාර තරමක් කන්ද සහිතයි.

ඔන්න එදා පාන්දර දෙකට විතර අපේ යාළුවෝ දෙන්න ඔය කියන තැන පහු කරගෙන යන්න හදද්දී ඔතන ඉඳලා තියෙනවා හරක් දෙන්නෙක්.

ඉතින් රම්බා තමන්ගේ ට්‍රේල් බයිසිකල් එකෙන් දැම්මා අර හරක් දෙන්නට
වෙට්ටුවක්.උන් දෙන්නා ඒකට සෑහෙන්න භය වුනා කියලා තමයි ගලිවර් කියන්නේ.

දැන් අපේ ඩබල ගිහින් එනවා. හරක් දෙන්නා තාම එතන ඉන්නවා. කොහොමහරි එතන කන්ද නිසා බයිසිකලේ ඇද්දන්නේ නැතුව් ගිහින් එකපාරටම නතර වුනා.

දැන් තමයි හොඳම ටික. හරියට අර දකුණු ඉන්දීය ෆිල්ම් එකක වගේ ...  හරක් දෙන්නා පැනගෙන ආවේ නැතැයි අපේ ගැස්ටෝ දෙන්නට අනින්න.

දැන් ගලිවර් එක පැත්තකට දුවනවා උගේ පස්සෙන් එක හරකෙක් එලෝගෙන යනවා.රම්බා තව පැත්තකට දුවනවා උගෙ පස්සෙන් අනික් හරකා එලෝනවා.

රම්බා තමන්ට මුලින්ම හම්බවුන ගෙදර තාප්පෙන් පැනලා බේරිලා තියෙනවා.

ගලිවරයා දුවගෙන යද්දි එකපාරටම ඒ පාර ඉවරයිලු කම්බි වැටකින්.දැන් හරකා ලඟම එනවලු අනින්න බලගෙන . අපේ මිනිහා මරු විකල්ලෙන් වගේ වැටෙන් රින්ගලා බේරිලා තියෙනවා.

එහෙම කරලා හෙමිහිට පාර හොයාගෙන hostal එකට එද්දි එක කකුලක බත් කෙන්ඩ හරියෙන් පොඩි සීතලක් දැනිලා , එතැන අතගාලා බැලුවමලු දන්නේ ලේ ගලනවා කියලා හොඳටම.

බොග පැත්තකින් තියලා ඉස්පිරිතාලෙ යන්නත් වුනා . තුවලෙට මැහුම් දාහතරයි.

එතකොට රම්බාගේ ට්‍රේල් බයිසිකලේ දාලා ආපු තැනින් අරගත්තෙත් පහුවෙනිදා.

Monday, 28 July 2014

මීයෙකු අවශ්‍යකර තිබේ

මාතලන් තුමා සන්නස්ගල සෑර් ආශ්‍රයෙන් කළ වියමන කියවූවෙමි. සිංහල සෑර් කියා තුබූ දෙයින් ඔහු විෂය කොටගෙන තිබුණේ ටිකකි. ඒ ටික ඔහු, ඔහුට ඇතුළු බ්ලොගියේ බහුතරයකට මේ දිනවල ඇනයක් වී ඇති ඇනෝලාට ඇනෙන ලෙස කපා කොටා පුරුද්දා අපූරු ලිපියක් නිර්මාණය කර ඇත.

නමුත් සිංහල සෑර්ගේ ජනරළ සටහනේ වැද්ගත්ම කොටස ලෙස මා දකින්නේ මේ මොහොතේ ලාංකීය දේශපාලනය කියවීම සම්බන්ධව ඔහු දක්වා තිබෙන අදහසයි.

සිංහල සෑර් කියනුයේ මේ මොහොතේ ලාංකීය දේශපාලනය පෙරයීම් කිරීම ඉතා දුෂ්කර ක්‍රියාවක් බවයි.
1976 වන විට මැතිණි පරදා J.R දිනන බව ඕනෑම කිරි කජු කොල්ලෙකුට වුවත් කිව හැකිව තිබූ නමුත් මේ 2014 දී දේශපාලන ඔස්තාර්ලාටද ලාංකීය දේශපාලනයේ විචලනය නිවැරදිව හඳුනාගත නොහැකි බව සෑර් පවසයි.

එම ප්‍රකාශය බෝහෝ දුරට යතාර්ථයට ලඟ බව මාගේ හැඟීමයි.

King-පස්ස ලේබලය දරන අයිස් පෙට්ටියේ නිද්‍රාගතව සිටින ලාංකීය ජහමනයා ඇතුළු පක්ෂ විපක්ෂ කල්ලි කණ්ඩායම් සියල්ල ඉඳහිට හෝ අවදි වන්නේම එම අයිස් පෙට්ටියේ  " අයිතිකරු නොව මම එහි බාරකරු " යැයි පවසන උන්දෑම එය තම අවශ්‍යතාව මත අරින - වහන විට පමණි.

ඉතින් ඔහු ඒ " අරින - වහන " එක දේශපාලනය වූ විට එම තත්ත්වය අනික් උන් කෙලෙස නිෂ්චය කරන්නද ??

එහෙත් ඔහු අයිස් පෙට්ටිය ඉඳහිට හෝ අරින-වහන වේලාවකට ඉන් එලියට පැමිණෙන කෙනෙකු හෝ පිරිසක්  ඔහුට නොදැනී ඔහුගේ බෙල්ලේ ගෙජ්ජියක් බැන්දොත් ( හරියට අර මීයා - පූසාට කලාක් මෙන් ) ඉහත තත්ත්වය වෙනස් කල හැක.

ඉතින් ඒ සඳහා " ගෙජ්ජි " ඕනෑතරම් ඇත ,එහෙත් " මීයෙකු " අවශ්‍යකර තිබේ.

නමුත් දැනට නම් පෙනෙන තෙක් මානයක එවැනි මීයෙකු නැත. එයට හේතුවද සිංහල සෑර් අර ලිපියේම දක්වා ඇත.
" ප්‍රභාකරන් ඉන්න කාලේ නම් අපි භය නැහැ " යි සෑර් කියන්නේ එම හේතුව දක්වන්නටය.

මොකද වීර මීයෙකු වන්නට ගොස් මී කුණක් වන්නට අයිස් පෙට්ටිය තුළ සිටින කිසිවකුත් මේ මොහොතේ කැමති නැත. ඒ ඔවුන් අත්විඳ ඇති සජීවී උදාහරණ නිසාය.

ඔවුන්ට ඇත්තේ සරල අකුරු දෙකක
" _ _ භය " කි. ඔබ කැමති ලෙසක එම හිස් අකුරු දෙක පුරවා ගන්න. මට එය කළ නොහැක්කේ මී කුණක් වන්නට මමද බිය හෙයිනි.

නමුත් මී කුණ විකුණාද දියුණු විය හැකි බව කුඩා කල කියැවූ කතාවෙක තිබුණා මතක බව හා එය අනුව යමින් 1994 සමයේ එක්තරා නෝනා කෙනෙකු රටේ ඉහළටම ගිය බවද අවසාන වශයෙන් සඳහන් කරමි.

® බ්ලොග් වලට කුහුඹුවකු තරම් වන මා මෙය ලියූවේ බ්ලොග්පති - මාතලන් ගේ ලිපියෙන් ලද පෙළඹවීමෙනි.ඔහුට තුති.

Saturday, 26 July 2014

වැ ට ක් වෙ නු ව ට

එකම පවුලේ අයියයි - මල්ලියි දෙන්නෙක් හිටියා.ඔවුන් දෙන්නා යාබද ඉඩම් දෙකක ගොවිපළ දෙකක් පවත්වාගෙන ගියා ජීවිකාව වශයෙන්. මේ ගොවිපළ දෙක එකිනෙකින් වෙන්වුනේ පුංචි දොළ පාරකින්.ඉතින් ඔවුන් පොඩි ලී පාලමක් හදලා තිබුණා ඒ දොළ හරහා එගොඩ මෙගොඩ යන්න.

වසර ගණනක් ඔවුන් එකිනෙකාගේ වැඩ වලට උද්ව් කරමින් සතුටින් කාලය ගතකළා.

නමුත් ඉතා සුලු කරුණකට ඔවුන් අතර පුංචි හිත් අමනාපයක් ඇති වුණා. දෙදෙනාගෙන් එක්කෙනෙක්වත් වැරද්ද පිළිගෙන නැවත සාමදාන වීමට උත්සුක නොවීමේ ප්‍රතිඵල‍යක් විදියට ඔවුන් අතර වූ විරසකය දුරදිග ගියා .

දෙදෙනාගෙන් වැඩිමලා වූ චන්දන අර දොළ පාර හරහා තුබුණු පොඩි පාලමත් ගලවා ඉවත් කළේ තිබුණු අවසාන සම්බන්ධයත් විසුරුවමින්. දැන් අයියයි - මල්ලියි තම තමන්ගෙ පඩුවේ වැඩ , කිසිම ඇයි හොඳයියක් නෑ.

ඔය අතරේ එක්තරා උදෑසනක දෙන්නාගෙන් බාලයා වුන නන්දනගේ ගොවිපළට ටිකක් වයසක මනුස්සයෙක් අවා වඩු ආයුධ කට්ටලයකුත් අරගෙන.

ඒ මනුස්සයට අපි මාටින් කියමුකෝ.

ඉතින් මාටින් නන්දනගෙන් ඇහැව්වා කරන්න මුකුත් වඩු වැඩ එහෙම නැද්ද කියලා.

ටිකක් කල්පනා කරපු නන්දන මාටින්ව අර චන්දනගෙත් නන්දනගෙත් ගොවිපළ දෙක වෙන්වෙන දොළ පාර ගාවට එක්කගෙන ගිහින් කිව්වා "' අර එහා පත්තේ ඉන්නේ මගේ අයියා , ඒත් දැන් අපි අතර කිසිම ගනුදෙනුවක් නෑ , ඒක හන්දා මගේ ගොවිපළ මායිම් කරලා අනික් පැත්ත නොපෙනෙන විදියට අඩි අටක් විතර උස ලී වැටක් හදන්න"" කියලා.

මාටින්ට ඔනෑ කරන අමුද්‍රව්‍ය ටික සපයලා දීපු නන්දන නගරෙට පිටත්වුනා එදින පොළ් දවසක් වුන හන්දා.

එහා පැත්තේ චන්දනත් ඒ විදියටම නගරෙට ගිය නිසා ඔහුත් එදා ගොවිපළේ උන්නේ නෑ.

මාටින් වඩුවා හවස් වෙනකම් වැඩ කළා , ලී කැපුවා, ලී මැද්දා, ලී විද්දා, ඇණ ගැහුව්වා.

හවස නන්දන ගොවිපළට එනකොට මාටින් වැඩ ඉවර කරල ගහක් යටට වෙලා බලන් ඉන්නවා.

මාටින් කරලා තිබුණු වැඩේ දැකපු නන්දනගේ ඇස් උඩ ගියා , කට ඇරුණා.

වැටක් වෙනුවට මාටින් වඩුවා හදලා තිබුණේ ලස්සන පාලමක් , අර පුංචි දොළ පාර හරහා මේ අයියා-මලෝ දෙන්නාගෙ ගොවිපළ දෙක නැවතත් සම්බන්ධ වෙන විදියට.

එතකොටම අනික් පැත්තෙන් අයියා-චන්දනත් ආවා.ඔහුටත් මේක දැකලා අදහා ගන්න බෑ.

අයියයි - මල්ලියි දෙපැත්තෙන් පාලමට ගොඩ වෙලා මැදදී එකිනෙකා හමු වුණා.

දෙන්නාගෙම හිත් වල දැන් තරහක් නෑ.

" මගේ වැඩ ඉවරයි , මගේ කුලිය දුන්නා නම් මට යන්න " මාටින් වඩුවා මල්ලි-නන්දනට කිව්වා.

" අපි ගාව තව වැඩ තියෙනවා, ඔහේට පුලුවන් ටික දවසක් මෙහේ නැව්තිලා ඉඳලා කීයක් හරි හොයගන්න " නන්දන කිව්වෙ අයියත් එක්කම මාටින් ගාවට එනගමන්.

" මාත් කැමැතීයි ඒ අදහසට නම් , ඒත් මට තව මේ වගේම පාලම් ගොඩක් හදන්න තියෙනවා " යි කියපු මාටින් වඩුවා යන්න නැගිට්ටා.්

Sunday, 20 July 2014

New World Order

ඔබ-මා-අපි ජීවත්වන මේ පෘථිවි තලය රටවල් මහා ගොඩකට බෙදි පාලනය වන බව අපට පෙනෙන්නට තිබෙන සත්‍යයකි.

නමුත් මෑත වසර 100 ක පමණ සිට අප ලෝකය මත සිදු වූ - සිදු වන සමාජ - ආර්ථික - දේශපාලනික - සන්ස්කෘතික කාරණා බහුතරයක් මේ සියළු රටවලට පිටින් සිට ක්‍රියාත්මක වන හා ලෝක බල දේශපාලනය තුල නොපෙනෙන , යම් බාහිර බලවේගයක් මගින් පාලනය වන බවට වන මතයක් ( conspiracy theory ) නිර්මාණය වී පවතී.
මේ ඒ පිළිබඳව වන ලුහුඬු සටහනකි.

එම මතයට අනුව  ලෝක පරිමාණයෙන් බලපෑම් සිදුකරන මෙම බලවේගය  New  World  Order  ලෙස හඳුන්වනු ලැබේ.

එම කණ්ඩායම සමන්විතව ඇතැයි සලකනු ලබන්නේ ලොව ප්‍රබල රටවල නායකයින් ( G7/G8 රටවල් වල ) , ජාත්‍යන්තර බැංකු අයිතිකරුවන් , මහා පරිමාණ බහුජාතික සමාගම් අයිතිකරුවන් ... ඇතුළු පිරිසකි.

ඔවුන් විසින් සිදු කරනුයේ නව ලෝක තත්වයන් නිර්මාණය කිරීමයි. එහි අවසාන අරමුණ ලෙස හඳුනගෙන ඇත්තේ මුළු ලෝකයටම පොදු තනි ආර්ථික , දේශපාලනික බල පද්ධතියක් සකසා ගැනීමයි.

මේ ඉලක්කය සපුරා ගැනීම උදෙසා ඔවුන් ලොව සියළු රටවලට අඩු වැඩි වශයෙන් බලපෑම් කරන අතර ඒ සඳහා අවශ්‍ය ඔනෑම තත්ත්වයක් නිර්මාණය කිරීමට තරම් සමත්කම් දක්වයි.

ඒ වෙනුවෙන් ඔවුන් භාවිතා කරන ප්‍රධාන ප්‍ර්සිද්ද මෙවලම් කිහිපයක් නම් ....

# එක්සත් ජාතීන්ගේ සංවිධානය
# ලෝක බැංකුව
# ජාත්‍යන්තර මූල්‍ය අරමුදල
# යුරෝපා සංගමය
# NATO සංවිධානය
# ලොව ප්‍රමුඛ මාධ්‍ය ආයතන ( CNN )
  
       ආදියයි.


මෙම කණ්ඩායම අතිශය රහසිගත වන අතර එහි සකස්වීම සිදුවන අකාරය හෝ පුද්ගලයන් ඒ සඳහා තෝරා ගැනෙන ආකාරය ගැන නිෂ්චිත තොරතුරු නැත.

නමුත් ඔවුන් සිදු කලා යැයි සැලකෙන මහා පරිමාණ මෙහෙයුම් කිහිපයකි මේ ....

# ලෝක යුද්ධ දෙක
# 1917 රුසියානු විප්ලවය හා 1991 දී එය
්    බිඳ වැටීම
#  9/11 අල්ඛයිඩා ප්‍ර්හාරය මගින් ඉරාක
     යුද්ධය
#  අප්‍රිකානු රටවල AIDS අර්බුදය
#   ලෝක වෙළඳපොළේ මිල වෙනස්වීම්
#   ප්‍රධාන රාජ්‍ය නායක මරණ
#   ප්‍ර්බල මාධ්‍ය මෙහෙයුම්

මේ ලැයිස්තුව බෝහෝ දිග නමුත් මෙතෙකින් නවතමි.

ලොව විවිධ රටවල් හා ජනතාව යොදා ගනිමින් ඔවුන් නොයෙක් අත් හදා බැලීම් සිදුකරමින් සිටීයි.ඒ නව ලෝක තත්වයන් පිරික්සීමටයි.

මැලේසියානු MH17 ගුවන් අනතුර පවා තුන්වන ලෝක යුද්ධයකට මග කියවන ඔවුන්ගේ වෑයමක්ද යන්න මේ වන විට සැකයක් මතු වී ඇත.

සත්‍යය - අසත්‍ය අතර දෝලනය වන මෙම හෙලිදරව් කිරීම් විස්මයජනකය. එය ඇත්තම ඇත්තක් නම් හෙට දිනයේ අප සියළු දෙනගේ ඉරණම රැඳී ඇත්තේ මේ මහා බලපුලුවන්කාරයෝ කිහිප දෙනා අත නොවේද ?????

** ලිපිය ලිවීමට තොරතුරු ගත්තේ
     Wikipidia හා www.threeworldwars.
      com  ඇසුරිනි.                                      

Thursday, 17 July 2014

බී ම ත් ඇ ත් ත

එය ඉරිදාවකි. වේලාව උදෑසන දහයට පමණ ඇත.

නිදිගැට කඩමින් අවදි වූ අප කතානායකයා වන ජයදේව මුලින්ම සිදුකළේ කාමරයේ බිත්ති ඔරලෝසුව දිහා නෙත් යොමු කිරීමයි.

සෑම ඉරිදා දිනයකම උදෑසන ඔහුගේ ගතට දැනෙන එම කෙඩෙත්තු ගතිය එදිනද එලෙසම විය.

එහෙත් මදක් සැලකිලිමත්ව තම කාමරය හාත්පස බැලූ ඔහුට වෙනෙදා නොමැති වෙනෙසක් පැහැදිලි වන්නට විය.

කාමරය  හොඳින් අස් පස් කර පිළිවෙළ කොට තිබිණ. උදේට ගන්නා බෙහෙත් පෙති ටික සමග තරමක් ලොකු වතුර වීදුරුවක් ඇඳ අසල කුඩා මේසය මත විය.
ඉරිදා දින තමන් අඳින සරම සමග කමිසයක් පුටුව මත තබ තිබිණ.

ජයදේව නානකාමරයට වැදි කල්පනාවට යෙදුනේත් මේ සිදු වී ඇති විපර්යාසය පිළිබඳවය.

අනතුරුව කෑම කාමරයට පැමිණි විටද ජයදේවගේ පුදුමය දෙගුණ් විය , ඒ කෑම මේසය තමන් කැමතිම ආහාර වලින් පිළියෙල වී තිබෙනු දැකීමෙනි.

මේ සියල්ල තම බිරිඳ විසින් සකස්කර දැන් සුපුරුදු ඉරිදා පොළ්ට ගොස්ී ඇති බව ඔහු දනිතත් වෙනදා නොලැබෙන සැලකිලි තමාට ලැබී තිබෙනු දැකීම ඔහුගේ විස්මයට හේතු විය.

අසල රූපවාහිනී බලමින් වුන් තම පුතු දුටු ඔහු " පුතා ඊයේ රෑ අමුතු දෙයක් මුකුත් සිද්ද උනාද ? " යැයි විමසීය.

" නෑ තාත්තා වෙනදා වගේම රෑ දෙගොඩාහරි ජාමෙ බීගෙන කෑ ගගහ සින්දු කියගෙන ගෙදර අවා , එච්චරයි "

ජයදේවට මෙය ප්‍රෙහෙලිකවකි , ඔහු නවාතැන් පුතු විමසීය.

" එහෙනම් මොකද උඹලාගෙ අම්මා වෙනදා වගේ නැතුව අද මට හොඳින් සලකන්නෙ ? "

" ආ ඒකද ? මේකනෙ තාත්තෙ උනේ , ඊයේ තාත්තා බීගෙන ආපුවම අපි ගිහින් තාත්තාව කාමරෙන් දැම්මා , ඒ කරලා අම්මා තාත්තාගෙ ඇඳුම් මාරු කරන්න හදද්දි
එක පාරටම තාත්තා අම්මාගෙ අත ගසා දාලා කිව්ව දේට තමයි ඔය සැලකිලි ඔක්කොම."

" ඉතින් මොකක්ද මම කිව්වෙ " ජයදේව හිමිහීට පුතාගෙන් අහුව්වා.

" ඒයි ගෑනියේ නවත්තනවා මගේ ඇඳුම් ගලවන එක , මම බොනවා තමයි ඒත් වල් වැඩ කරන්නනෙ නෑ , දැනගන්නවා  මට හොඳ ලස්සන පවුලක් ඉන්නවා හරිද, තමුසේ ඔය වැඩේට වෙන කෙනෙක් හොයාගන්නව " කියලානේ කිව්වෙ . ඇයි තාත්තාට මතක නැද්ද.....

එය ඇසූ ජයදේවගේ දෙතොලග සිහින් සිනවක් නැගිණ.

Tuesday, 15 July 2014

වෙ න ස

සියල්ල ම්‍ර්දු සුමට ආකාරයෙන් සිදුවෙමින් පවතී.

ඔබ-මා-අපි සියල්ලම ආච්චි අම්මාට නින්දෙන් පිටවෙන අහවල් එක තරමටවත් කිසිවක් ගනනකට නොගෙන ඔහෙ ජීවත් වෙති.

උදය දහවල රැය - ඊයේ අද හෙට එකම චක්‍රයක  .....

ඉතින් මෙ ගෙවන-ගෙවෙන ජීවිතය
පිළිබඳව ඔබ තෘප්තිමත්ද ? අප ජීවිත වටා  සිදුවන කාරනා කටයුතු ඔබව සතුටු කරවනවද ? ඔබ-මා නිරන්තරයෙන් ගැටෙන අප ජීවිත මුදාහැර තිබෙන සමාජ - සන්ස්කෘතික - ආර්ථික වටපිටාව ගැන අපට කිසිදු ගැටලුවක් නොමැතිද ?

අපොයි මොන තෘප්තියක්ද්? අපිට ප්‍රශ්න තියෙනවා ඕන තරම් , හරි හමන් පඩියක් හම්බෙනවද? බඩු මිල අහස උසට . සමාජය කොයිතරම් පිරිහිලද්? සන්ස්කෘතිය කියලා එකක් තියෙනවා කටුගෙයි නම්, ඒත් ඒකත් හොරු බින්දානෙ.

ඔබ එලෙස කියනු එකාන්තය.

එහෙනම් ඔබට මෙ පවතින විදිය ප්‍රශ්න‍යක් .

ඒත් ඔබ කිසිවක් නොදන්නා නොදකිනා ලෙස ජීවත් වෙන්නේ කුමක් නිසාද ?

කොහිද අපට පුලුවන්ද මෙ යන විදිය වෙනස් කරන්න.තව අවුරුදු ගනනකට මෙ කට්ටියම තමයි බලයෙ ඉන්නෙ.

වෙනස්වීමක් අවශ්‍ය වුවත් ඒ ගැන සිතීම පවා මනසට බාදාවක් - පීඩාවක් කරගත් නිර්වින්දනය වු  මිනිස් සමූහයක් අප හමුවේ නිර්මාණයවී නොමැතිද ?

හිට්ලර් ප්‍රමුඛ නාසි හමුදා සිදුකළ මිනිස් ඝාතන හමුවේ ජර්මානු ජනතාව නිහඬව බලා සිටියේ යම් සේද අපද ඔහෙ බලා සිටිමු.
නමුත් ඒ කොපමණ කලකටද ?

මෙ පවතින ක්‍රමය වෙනස්විය යුතු නොවෙද ?

අලුත් පස්  -- තනනු වස්  !!ි

Monday, 30 June 2014

අ හි මි වී ම ( 2014 ජූනි )

පෙරේදා රෑ ගලිවර් කතා කළා. " මචං පොරා " කියලා කියද්දිම මට තව කට හඬ කීපයක් phone එක හරහා අැහුණා. එක්කෙනක් වැද්දා බව අඳුන ගන්න බැරිවුණේ නැහැ .

ගලිවරයා එක්ක වචන දෙකක් කතා කරන්න වුනේ නැහැ  "මෙහ දීපං ඕක මට" කියලා කවුරැහරි phone එක ගත්තා .

" මචං පොරා , අද මමයි ගලිවරයයි වැද්දයි පොඩිඩක් සෙටි වුණා ."මේ කතා කරන්නේ තෙප්පිලියා .
" අපි කැමිපස් කාලේ ගැන කතා කර කර ඉන්නේ. ඔයාගේ Blog එක අපි කියෙවිවා .අඩෝ පොරා තෙපා අපිට ඡන්දේ දෙයිද බං - කියන කෑල්ල මාරෙටම හිතට වදිනවා මචං "
තෙප්පිලියා " සැමරැම " post එක කියවලා කියලා මට තේරුමි ගියා.

ඊළඟට phone එක ගත්තේ වැද්දා . "පොරා මතකද උඹ ඉස්සර union ඉඳලා මහ පාන්දර hostal එනවා , සමහරු කලින් දවසේ නිදාගෙන බොග දාන්න (පාඩමි කරන්න ) නැගිටින්නෙත් එතෙකාට . එ් කටිටවල් නමි මාරම සුන්දරයි නේද මචං ."
කවදත් කාගෙත් දුකට සතුටට බෝතෙල් හිස් කරන්න හවුල් වුණු වැද්දා එෙහම කියද්දි හන්තාන අඩවිය මගේ දෙනත් බොඳ කළා.

ගලිවර් අායිත් phone එක ගත්තා . " උඹ මුකුත් හිතන්න එපා පොරා , අපි අද පොඩිඩක් පවුල් පන්සල් රාජකාරි වලින් එහාට මෙහාට වෙලා පොඩි drink එකක් දාන ගමන් අපේ සුන්දර අතීතය සිහිපත් කරනවා, අපිට උඹව මතක් වුණා මචං , එ්කයි call කළේ"
මා සමඟ දොඩමළු වෙද්දි කවදත් ගලිවර්ගෙන් පිටවෙන තැවුල්බර හඬ එ්.

මම ගෙදරින් පිටත ලොවි බංකුවේ .

හැමෝම කතා කළේ යමි ""අහිමිවීමක්"" හිත තුළ තෙරපගෙන කියලයි මට හිතුෙණ් .මට හිතන්නේ අපි හැමෝම ජීවිතයේ කසියමිම හෝ "අහිමිවීමක්" නිසා සිතින් විඳවනවා. එ්ක වචනෙයන් මෙහමයි කියලා කියන්න බැරි වුනාට එෙහම එකක් අැති බව අපි අපිට අවංක වුනොත් දැනෙයි .

එවිට තේරුමි යාවි අපි මේ දැන් ගෙවන ජීවිතය අර අපිට අහිමි වූ යමිකිසි දෙයට වඩා කටුක නීරස එකක් බව.

එ් හන්දා තමයි අර අහිමි වූ යමි දෙය පුළුවන් වෙලාවකට මතක් කරලා අපි සතුටු වෙන්නේ  .

එක් සමයක එකාමත්තේ හැපී එක බත් පත කා හන්තාන ලොකු ඉස්කෝලේ අකුරු  කරපු අපි අද තැන් තැන් වල , ඉඳලා හිටලා හමුවෙනවා වෙන්වෙනවා .
නමුත් අර අහිමිවී ගිය , වචන වලට හැරවිය නොහැකි යමි දෙය අපේ ජීවිත තුළ සදාකාලිකවම ඉඩක් වෙන් කරගෙන .

Friday, 27 June 2014

එළියට

තව දුරටත් ජීවිතය පවත්වාෙගන යා යුතුද නැත්ද යන්න එෙවිෙල් මට වගක් වූෙය් ෙනාෙවි .

අෙතා්රක් නැති සිතිවිලි මා මනස ෙවලා පටලවා අරක් ෙගන වුනි .

එය එෙස්ම විය .

මාහටද වගක් ෙනාවුනි . එෙස් ෙනාමැති නමි රථ වාහන ෙවිගෙයන් අැෙදන මග හරහා මා එෙලස පාර මාරැ ෙවිවිද ?

එෙහත් පුදුමයට කරැණ නමි අර ගමන් කළ වාහන කිසිවක් මා හා ෙනාගැටීමයි .

කන් බිහිරි කරවමින් නළා හඬ කිහිපයක් නාද වුනි . එපමණකි , මා යට කරවමින් යන්නට වුන් එෙකකුටවත් බැරිවිය . බැරි වීමකට වඩා උන්ෙග් එ් සඳහා වූ ෙනාසැලකිල්ලය.

පාර මාරැ වූ මා මුලින්ම දුටුෙවි යාචක පවුලකි .එ් රැෙයහි වසා අැති කඩයක් ඉදිරිපිටට වී ඔවුන් දවස නිමා කරන්නට සැරෙසති . කුඩා ළමුන් ෙදෙදනා කරන දඟකාරකමි ෙදස බලා මවිපිය ෙදපල තුටු ෙවති . අැත්තටම ඔවුන් සතුටින්ද ? එෙස් නමි ඔවුන්ට එය ලැබුෙණ් ෙකලසකද ?
මා ෙමි ෙසායන්ෙන්ත් එයම ෙනාෙවිද ?

දැන් මට නගරය හාත්පස මුළුමනින්ම පාෙහ් දිස්ෙවයි. මම එතැනම අෑඳිගතිමි .
වසර පහකට පසු නගරයක් මැද පාර අයිනක ලැග වුන්ෙනමි. විශ්වවිද්යාල දිවිය තුළ ෙමවන් රැය දුලභ ෙනාවිණි.

ඉදිරිෙයන් පරසිඳු අකුරැ තුෙන් අාපනශාලාව අැත. එයට ගණුෙදණුකරැවන්ෙගන් අඩුවක් නැත.
මුදල් පෙසකින් තිබියදී ෙමහි යන එන්නන් එ් සඳහා ෙවිලාව ෙසායාගන්ෙන් ෙකළසකද ?
උදෑසන නිවසින් පිටවන මා නැවත රෑ ෙබා්වී පැමිෙණමි, එම චක්රෙයන් ෙතාර වූ අමතර ෙවිලාවක් යනු මා හට හුදු සිහියක්ම වද්දී ෙමහි ඉන්නා මිනිසුන් එම අතිරික්ත කාලය ෙසායාගත් අකාරය උභෙතා්ෙකා්ටිකයකි.

මා අසලින් විවිධාකාරෙය් පංචස්කන්දයන් අැදී යති . දවෙස් රාජකාරි නිමවී එම රැෙය් තම නිෙවස් කරා අැෙදන එම ගැහැණු - මිනිසුන්ෙග් මුහණු වල මම සතුට ෙසවිෙවමි. බහුතරයක් මුහුණු වල තුබුෙණ් දුක තරහව ෙවිදනාව අෙප්ක්ෂාභංගත්වය .....පමණි .

අැය ඔහු බඳ වටා අත දමා තදින් ඔහුටම අැලී ගමන් කරයි . විදුලි බුබුලු එලියට අෑ වත දිෙල් . එතැන අාදරය අැතිද ? තිබුණද එ් කී කලකට ද ?
අැත්තටම අාදරය යනු කුමක්ද ? සියල්ල අැති වී නැති වී යන බව සත්තය. මා ෙවතද එය එෙස්ම විය.

මිනිස් ප්රගමනෙය් වර්තමාන අවධිය වන විට බහුතරයක් වූ මිනිසුනට විෙවිකය , සතුට , අාදරය අහිමි වී අැත. ජීවිතය එෙහම පිටින්ම කලබැගෑනියකට පත්ව අවසාන ය.

ඉදින් මින් ගැලවීමක් නැතිද ?

නුඹ - මා අවස්තතිය මග හැරීමට සුදානමි නැතිය. එෙස් ෙනාවන තාක් අප ගැල බැඳි ෙගානුන් ෙමනි.

මිනිසුන්ෙග් පවතින තත්වෙයන් මිදීමට අැති අකමැත්ත පරාජය කිරීමට අවශ්ය දැනුම අවෙබා්ධය ඔවුන් තුළට ෙගන යාමයි .
එය තරමක් අැඟ රිෙදන සංවිධානාත්මක වැඩකි .

ෙදකකුල් අද්දර සිෙමන්ති ෙපාෙළාව මත ගැටුනු ෙබෙලක් හඬකින් මා දැහැන බිඳිණ.
මා යාචකෙයකුයි සිතා කිසියමි අයකු විසි කළ රැපියල් පෙහ් කාසිය මා අසල විය .

අලුත් පස්    තනනු වස්  !

සැ : යු - ෙමය සිතා මතා ලියූවක් ෙනාව
              ඔෙහ් ෙගතුනකි. අඩුපාඩු වලට
               සමාවන්න.
               මා blog එක කරෙගන යන්ෙන
              මෙග් mobile phone එෙකන්,
             ඉතිං අකුරැ පැටලිලා අැති, එ් font
             එක අවුල් නිසා .අමාරැෙවන් හරි
             කියවන ඔබට ස්තුතියි.